Ketua Tim Revisi UUPA: Tanyoe Targetkan Dana Otsus untuk Aceh Meutamah
Banda Aceh | Ketua Tim Revisi Undang-undang Pemerintah Aceh (UUPA), Anwar Ramli, peugah nyang bahwa Lembaga DPRA kalheuh meupeusiap draf revisi UUPA. Dalam revisi nyang kalheuh nyoe akan meuutamakan fiskal dan kewenangan Aceh. Pukeuh draf revisi UUPA seucara luah, terbataih atawa nyang sangat that terbataih.
"Arah jih teunte keu hal nyang sama, nyakni peupanyang dana Otsus siumu masa, hana batah watee, " kheun Anwar Ramli, bak uroe Sabtu, 18 April 2025.
Meunurot geupeugah le Anwar, salah saboh draf nyang ka seuleusoe nakeuh draf nyang jisuson le Universitas Syiah Kuala (USK). Dalam draf revisi UUPA nyan ka meucakop substansi lam masalah fiskal dan kewenangan.
“Tim DPRA pih kalheuh meukeurija sit, awak nyoe kalheuh jimeuduek lam RDP (rapat dengar pendapat) keu mandum lapisan masyarakat, termasuk kabupaten/kota, tokoh-tokoh politik, lembaga, pemuda, dan laen-laen. Mandum kalheuh jilake masukan ateuh ube na poin-poin nyang peurlee direvisi,” kheun gobnyan.
Politikus Partai Aceh nyoe peugah poin fiskal nyoe nyang paleng brat suah karat lheuh ka meukureung that jitren dana Otsus dari 2 persen jeut keu 1 persen cukop brat meudampak keu pembangunan dan kesejahteraan masyarakat Aceh. DPRA akan sigra meubentuk tim ahli untuk draf nyang ka seuleusoe jisuson nyan, sehingga eunteuk, kheun gobnyan, jeut sihra jipeusah le pemerintah Aceh.
“Lheuh nyan eunteuk tapeujok bak Wali Nanggroe, seubab droeneuh nyan (Wali Nanggroe) nakeuh pelaku sijarah dan ureung paleng paham asoe dari MoU perdamaian Helsinki,” tamah gobnyan lom.
DPRA mreuharap, lam revisi kalinyoe haruh saboh persepsi ube lembaga nyang cok peran di Aceh, pukeuh DPR Aceh, Pemerintah Aceh, Wali Nanggroe, KPA, dan nyang laen. Harapan jih supaya bek na beda sikap eunteuk watee geuba draf nyoe u Jakarta.
“Meunyo kalheuh eunteuk, Insya Allah ta dorong pembahasan beu ka jitamong seugolom Agustus. Seubab 16 Agustus eunteuk Presiden akan peutrok nota keuangan di DPR. Target jih eunteuk beujeut talake tambahan dana Otsus, mungken 3 persen, takalon eunteuk padum ijok, pokokjih ta eu eunteuk, " Meunan geutop haba le Anwar.[]
Meunan Apa baca bak AJNN.
0 Response to "Ketua Tim Revisi UUPA: Tanyoe Targetkan Dana Otsus untuk Aceh Meutamah"
Post a Comment