Krak! Lam Si uroe 110 Ton, Tim Ahli Peugah Skema Peubereh Masalah Broh di Lhokseumawe

Table of Contents

Lhokseumawe | Tim tenaga ahli kalinyoe meupeuhah rahasia kiban cara (skema) untuk peubereh broh di Kota Lhokseumawe seucara menyeluruh (komprehensif), termasuk peutertib kawasan kumuh, bak uroe Sabtu 19 April 2025.

Dalam ekspose (hana kuteupu makna) nyan geupeugah nyang bahwa lam si uroe broh di Lhokseumawe trok 110 ton, deungon kondisi broh meujampu antara broh organik dan anorganik, bahkan open dumping (teumpat nyang teuhah) dan na potensi teutop. 

Seulaen nyan hana kureung bak 4 ton broh nyang ji produksi di kawasan kumuh daerah Lhokseumawe, tiep uroe. 

Para ahli  yang ikot lam ekspose skema broh nyang na di Lhokseumawe nyan nakeuh Indra Mawardi dari Jurusan Teknik Mesin Politeknik Negeri Lhokseumawe; Vitex Grandis sebagoe Pengurus Pusat Ikatan Alumni-Institut Teknologi Bandung; Yusra dari Fakultas Pertanian Universitas Malikussaleh; Titik Nuraini dari Sekolah Sampah Nusantara Jakarta; Indra Wijaya, dari Jurusan Bisnis Politeknik Negeri Lhokseumawe; dan Budi Rahayu, dari Institut Teknologi Bandung.

Meunurot para ahli peurlee that untuk beuna rekayasa sosial (social engineering) untuk jeut peubereh masalah broh nyang na di Lhokseumawe, mulai dari atoran lam gampong untuk masalah broh nyoe. 

Selaen nyan, peurle that beu na SOP untuk kelola broh, pukeuh dari bhah hak dan kewajiban, upah (intesif), desentif (hana kuteupu makna), kelembagaan dan kerjasama mandum pihak. Bahkan peurlee that beu na pendampingan lam urosan pengelolaan broh nyang na. 

Geupeugah le Wali Kota Lhokseumawe, Sayuti Abubakar, nyoe, hase dari kajian nyoe peurlee beubagah untuk pubuet buet peubereh broh nyang ka meugunong. 

“Dasar jih, nyan hase dari kajian, tim ahli kalheuh ijak survei dan jeut tacok keu pijakan untuk beusigra ta laksanakan, pu lom peukara nyoe (peubereh masalah broh) nakeuh program unggulan kamoe," kheun Sayuti Abubakar, Sabtu, 19 April 2025.

Lam bhah laen, Sayuti geu mengaku akan meukaji ulang masalah pengadaan meusen olah broh nyang kalheuh ji anggarkan bak thon 2004.

“Angggaran bak thon nyoe memang insya Allah ta fokus bak nyang leubeh peunteng dan prioritas, keu padum anggaran nyang peurlee lam bhah peubereh broh lagee hase ekspose nyoe eunteuk takaji lom," kheun gobnyan. 

Sayuti hawa that Lhokseumawe nyoe beujeut keu kota nyang gleh dan rapi. "Untuk ta peujadeh buet, teunte ube na pihak ta libatkan, bahkan tim ahli dari Jakarta na 3 droe, nyang ureung droe teuh dari Aceh na 3 droe," tamah Walikota bak ujong.