Hanacara! 10 Ribèe Pelanggar Lalu Lintas Lam Siminggu Operasi, Pidie Paléng Le

Table of Contents

Banda Aceh | Direktorat Lalu Lintas (Ditlantas) Polda Aceh ka ji catat seukitaran 10.704 boh kasuih pelanggaran lalu lintas seulama sikureung uroe pelaksanaan Operasi Patuh Seulawah 2025, nyang ji mulai keurija dari tanggai 14 hingga 22 Juli 2025.

Direktur Lalu Lintas Polda Aceh Kombes Pol Deden Supriyatna peugah penindakan paléng le na keuh di Pidie, seudangkan nyang paléng nit di Gayo Lues. 

"Penindakan ta lakukan melalui tilang manual maupun teguran. Pidie teucatat deungön Pelanggaran paléng jai," kheun Deden, Rabu, 23/7/2025 baroe. 

Ubé nyang ka ji tamöng data, kheun Deden, dari total 10.704 pelanggaran nyan, 8.111 boh peukara jitindak dengön teguran, 2.531 peukara teuk melalui tilang manual, 27 boh peukara dengön ETLE mobile, dan 35 boh peukara melalui ETLE statis.

Nyang bereh lom, kelompok usia 15–45 tahun atawa usia produktif nyang paléng jai pelanggaran. Keu jeunèh pelanggaran nyang paléng jai nakeuh awak ba honda hana ji sok helem, awak ba moto hana ji ikat sabuk, jalan jak, jiwoe, jalan woe ji jak (melawan arus) dan pengendara nyang golom trôk umue. 

Deden peuingat nyang bahwa peunténg that jaga kedisiplinan bak jalan raya untuk keselamatan bersama. 

“Ijih nah, keselamatan di jalan nyan kon sekedar kewajiban, tapi kebutuhan. Mari ta jadikan patuh aturan lalu lintas jeut keu sebagai budaya,” kheun Deden.

Berita nyoe kalheuh tayang bak AJNN deungön judul "10 Ribu Lebih Pelanggar Lalu Lintas Terjaring Operasi Patuh di Aceh"